Posted in abbey, architecture, famous poets, public poetry, sharing is caring, writing with a passion

TO A MOUSE. BY ROBERT BURNS


fc05b60bd95914a42afc1ae3c37be81df4803256.jpg

0n Turning Her Up in Her Nest with the Plough,
November, 1785

Wee, sleekit, cowrin, tim’rous beastie,
O, what a panic’s in thy breastie!
Thou need na start awa sae hasty,
Wi’ bickering brattle!
I wad be laith to rin an’ chase thee,
Wi’ murdering pattle
I’m truly sorry Man’s dominion
Has broken Nature’s social union,
An’ justifies that ill opinion
Which makes thee startle
At me, thy poor, earth-born companion
An’ fellow-mortal!

I doubt na, whyles, but thou may thieve;
What then? poor beastie, thou maun live!
A daimen-icker in a thrave
‘S a sma’ requet;
I’ll get a blessin wi’ the lave,
An’ never miss’t!

Thy wee-bit housie, too, in ruin!
Its silly wa’s the win’s are strewin!
An’ naething, now, to big a new ane,
O’ foggage green!
An’ bleak December’s win’s ensuing,
Baith snell an’ keen!

Thou saw the fields laid bare an’ waste,
An’ weary Winter comin fast,
An’ cozie here, beneath the blast,
Thou thought to dwell,
Till crash! the cruel coulter past
Out thro’ thy cell.

That wee bit heap o’ leaves and stibble,
Has cost thee monie a weary nibble!
Now thou’s turned out, for a’ thy trouble,
But house or hald,
To thole the Winter’s sleety dribble,
An’ cranreuch cauld!

But Mousie, thou art no thy lane,
In proving foresight may be vain:
The best-laid schemes o’ Mice an’ Men
Gang aft agley,
An’ lea’e us nought but grief an’ pain,
For promis’d joy!

Still thou are blest, compared wi’ me!
The present only toucheth thee:
But Och! I backward cast my e’e,
On prospects drear!
An’ forward, tho’ I cannot see,
I guess an’ fear!

Robert Burns Scottish poet and Bard

Processing…
Success! You're on the list.
Advertisements

Author:

Hello friends, hope you are all good. I have been writing blogs for many years and love it, its a pleasure to have people read my work and many people do. I welcome all of you warmly. I will also follow you if your blog is of interest. Please feel free to follow me I have 6 blogs. I also promote blogs and websites on my blog so if you want a mention please get in touch.

2 thoughts on “TO A MOUSE. BY ROBERT BURNS

  1. I loved this Robert Burns poem although I admit I couldn't decipher all of it. Too often we forget to write of the little things – like a little mouse – and how the mice views us and the world. It's increasingly important today, that we learn to view the big picture.

    Like

Comments are closed.